ادوات الشاور وصابوناتى مع الصور

صباح الخير يا فاتوكاات وحشتونى كتير
النهاردة عايزة اكلمكم عن منتجات الشاور اللى باستخدمها واللى فعلا حسيت بفرق معاها ,,,

اولا صورة مجمعة


نقسم المنتجات اولا

الصابونات والشاور
1 الصابونة الموف بنبات الحلزون اللى المفروضبيشد البشرةويعالج الحبوب ويزيل التجاعيد هى مش واو بس كويسة بحس انها بتشد البشرة
2- الصابونة الاورنج بلبابايا لبياض البشرة بصراحة وهمية تحفة بحس انها نورتلى وشى جداا فعلا بتبيض كنت شارياها من عند العطار ب 25 جنية
3- الصابونة الحمراء بالعكر الفاسى المفروض انها بتلمع البشرة وتديها لون وردى بصراحة مش بطالة بس مش فظيعة يعنى
4- الصابونة اللى فيها حبيبات دية بالنعناع والروز مارى لانعاش البشرة والحبوب بجد تحفة يا بنات جميلة جدا وريحتها حلوة اوى كنت جايباها من امتنان شوب
4- الصابونة البيضا بالاعشاب وزيت الجوجوبا لتفتيح البشرة حلوة وعلى فكرة باستحمة بيها
5- الاسفنجة اللى على شكل قلب دية فيها شاور يعنى مجرد انك تبليها بينزل منها شاور جيل هى بزبدة الشيا وجوز الهند وبتكفى 15 مرة شاور وريحتها تهبل

ودية شكلها لما بلتها شايفين الصابون )
6- العلبة الصغيرة دية شاور جيل بالعكر الفاسى
برائحة الورد البلدى لصفاء البشرة وتبيضها وشدها منتج مغربى بس روعة وساعات بغسل وشى بية بحس انة لمع بشرتى وشالى البثور السودا اللى كانت على الانف والدقن

صورة توضيحية


ودة على ايدى

نكمل يا جميلات
ادوات التدليك والشاور



طبعا كلنا عارفين الفراكة ولازم تكون عندنا او الليف المغربى انا عندى النوع المغربى ونوع تانى مصنوع من الليف على شكل جوانتى بس ناعم على الجسم وفى نفس الوقت بيعمل تدليك رائع
وطبعا الحجر القديم بتاع زمان للقدم والكعوب وفرشاة الاضافر والصوابع
وسفنجة الوش ديو مهمة جداا لعمل التدليك
غطاء الشعر لحمام الكريم

نكمل


الاسفنجة دية بجد تحفة يا بنات مع الصابونات او غسول الوجة او تدليك الرقبة تحفةةةةةةةةةة بجد
ما بستغناش عنها ابدااا انا جايباها من محل اسمة لابوتية فى المهندسين ب 7 جنية
وبردو بتنفع مع السكرب او حتى لما تكونى عملة ماسك طمى مغربى بتشيلية من على وشك بيها



الصابون البلدى الزوين المغربى بزيت الاركان واللوز الحار
مميزاتة شد البشرة منع الترهلات - نعومة وتبيض وترطيب
عن تجربة بجد يهبللللللل بمعنى الكلمة
الطريقة دهن الجسم بية وتركة لمدة ساعة وممكن تلبسى هدومك هادى علية وتدخلى على البخار فى الحمام وتبدية تدلكية بالليف المغربى هاتشوفية نعومة مش طبيعية




دة شكلة من جوة

نكمل
انا كدة ناقصلى الشامبو وكريمات الشعر واللوشن تابعونى فى المشاركة الجاية


يلا نكمل وبجد عايزة اجاوب على كل الاسئلة بتاعتكوا عشان انتوا بنات زى السكر



شامبوا بيبى جونسون للاطفال دة بستخدمة فى اول غسلة لشعرى ميزيتة انة بينضف بس مش بيعمل رغوة
شامبو جارنية فروكتيز بالزيوت المغذية رائع جدااا كان ب 20 جنية
شامبو VO5 لكثافة الشعر متوسط مش فظيع كان 43 جنية
حمام كريم بوناويل بالمشمش لترطيب الشعر حلو اوى وريحتة جميلة مش فاكرة سعرة للاسف
حمام كريم ميديا دتا لمعالجة الشعر المصبوغ كنت جايباة عشان بصبغ شعرى كتير حلو جدااااا كان ب 63 جنية

كل الحاجات دية من محل اسمة لابوتية فى المهندسين شارع سليمان اباظة فى كل المنتجات اللى باشتريها ماعدا المنتجات المغربية
من شركة اسمها فاتيما ايجيبت ليها صفحة على الفبس بوك Fatima Egypt





مجموعة اللوشن
1- بايو بالبابايا للتفتيح والترطيب تحفة يا بنات وريحتة تجننن كان ب 30
2- ايفا بالكولاجين البحرى للسليوليت جميل جدا بس لاز م المداومة ب 70
3- الورد المغربى من بودى شوب تحفة فى الترطيب كان ب 50 فى عرض
4- باى لوشن انشانتر كويس بس مش واو


زيت بيبى جونسون بجوز الهند وزربدة الشيا
روعةةةةةةةة
بدهن بية جسمى وهو مبلول بعد الشاور واسيبة بجد يجنن وبيسيب لمعة على الجسم



مجموعة السيرم
1- جلوبال كيراتين بالكيراتين سيرم للشعر بعد الغسيل احلى سيرم جربتة فى حياتى كان 165 جنية
بس يستاهل تعومة ولمعة للشعر ما يتوصفوش حلو بجد
2- جليس اسبراى للشعر المتضرر بترش على الشعر بعد الغسيل بس بترج الاول بيدى لمعة لطيفة كا ب 50
3- زيرو فريز سيرم لما بعمل سيشوار باستخدمة لانة بيحمى الشعر من السخونة وبيتعم جدا بردو مش فاكرة سعرة
4- كريم للكيرلى بالحنة حلو جدا وميزتة انة مش بينشف الشعر بالعكس دة بيغذى الشعر لانة بالحنة وبيقوية كنت شارياة من شركة اسمها ميركل ليها صفحة على الفيس بوك اسمها Beauty talks ب 45 جنية
انا كدة خلصت يا بنات

اللى سأل على المنتجات المغربية بجبها من فين باشتريها من شركة اسمها Fatima Egypt ليها صفحة على الفيس بوك وبتبعت المنتجات لغاية عندك
باقى المنتجات من محل اسمة لابوتية فى المهندسين شارع سليمان اباظة

فى بعض الصابونات من عند العطار زةى البابايا والاعشاب
وفى جروب اسمة العروسة مول على الفيس بردة بيبيع منتجات حلوة اوى للشعر والبشرة والجسم

واى سؤال انا موجودة اشوفكم فى توبيك تانى قريبااااااااااا