Admin
Admin
المساهمات : 293
تاريخ التسجيل : 16/02/2010
 | موضوع: تعالي اقولك ايه الحاجات اللي اشتريتها وندمت اني اشتريتها ... والعكس  الأحد أبريل 14, 2013 2:59 am | |
| عرايس القمراتنظرا لارتفاع الاسعار والمبالغة الفظيعة في الشراء وفي تجهيزات العرايسحبيت اعمل موضوعي ده لعل وعسى فتوكاتنا العرايس يستفادوا منهندخل بقى في الموضوعاكيد كل عروسة نفسها في حاجات كتييييير تشتريها ونفسها تكون شقتها وعفشها وفرشها ولبسها وكل حاجة في بيتها مملكتها احسن واحلى حاجة في الدنياومن هنا بتيجي قائمة طويييييلة بالمشترياتساعات كتير بيبقى مش مهم هاشتري الحاجه دي ليه ... المهم اني هاشتريها لانها مثلا احدث حاجة او لاني مثلا شوفتها في منتدى ما وقريت انها كويسة او مثلا شوفتها في جهاز قريبتي , صاحبتي ... حاجات من دي كتيييييرالمهم في الاخر اننا اكيد ساعات بنشتري حاجات ملهاش لازمه ... في حين اننا ممكن منهتمتش او ننسى نشتري حاجات ضرورية
انا بقى عايزه الفتوكات القمرات المتزوجات يجوا ويتفضلوا مشكورين ويشاركوني رائيهم وتجاربهم ويقولوناايه الحاجه اللي اشترتيها وندمتي انك اشترتيها ... وايه الحاجة اللي مش اشترتيها وندمتي انك مش اشترتيها***** وانا بقى هبتدي بنفسي *****انا بنوتة وحيدة فكنت بشتري بالهبل وكل حاجة اقول لماما هو انتي عندك بنوتة تانية غيري تروح ماما تشتري علطووووول هههههالمهم اطقم المطبخ انا اشتريت من كل حاجة طقم كامل ... طقم تيفال زهران وطقم استانلس ستيل زهران وطقم الالومنيوم وطقم بايركس 3 حلل غير طبعا حاجات فردانية ( الحاجات الكتييييير بتاعه المطبخ ) واستحالة كل ده هيتحط في المطبخ ... فانا اضطريت اني انقي مقاسات من ( طقم التيفال وطقم الالومنيوم + 3 حلل البايركس + الحاجات الفردانية ) وهي دي الحاجات اللي انا سيباها في المطبخ وطبعا استحالة بردو اني استعملهم كلهم مرة واحدة لانهم فعلا كتير ... اما بقى باقي طقم التيفال وطقم الالومنيوم وطقم الاستانلس ستيل بالكامل منورين في سحارة السرير يا عالم امتى هيشوفوا النور هههههكمان انا جبت حلة 3 ادوار فيليبس بالبخار ودلوقت انا داخلة في الـ 6 شهور جواز ومستعملتهاش ولااااا مرةالكيتشين ماشين نادرا اما بستعمله او لما بكون مش مستعجلة وفي الغالب بستعمل الخلاط العادي اسهل بالنسبة ليا في الاستعمال وفي التنظيففي كمان بقى حاجات شخصية اشتريتها واكتشفت انها ملهاش أي لزمه زي( مقص الفتلة - سوستة الفتلة – صالون شيبر – مشط البف – التوكة اليابانية – سيشوار ان ستايلر – ريلاكس تون الحمرا ) كل دول كلام فاضي وبجد بجد كلام اعلانات وانا مش هضيع وقتي زي ما ضيعت فلوسي في الكلام عنهممفرش يوم الفرح جيباه سوري وطبعا انتم عارفين اسعار المفروشات السوري بردو فلوس على الفاضي يدوب استعملته اول يوم وفي السبوع وبسسسسسطبعا في وسط الحاجات الكتير اللي ندمت اني اشتريتها ... في حاجات بحمد ربنا على شراها بس اكتر حاجة فكراها دلوقت وبجد الحمد لله على شراها مع العلم ان كان في اراء كتير بتقول العكس وهو طقم الملامين ... انا جايبه طقم ملامين الشريف هو مربع ووالله بجد شكله تحفة وكتير بيفتكروه صيني انا حاطه طبق منه كبير خلفية في النيش وهو حلو وشيك في الاستعمال وسهل في التنظيف وكمان حلو للاطفال واحلى حاجة فيه بقى انه لما بيقع مش بينكسر احسن اختكم ايديها سايبه هههههالمهم اولا واخيرا انا بتمنى بجد من كل عروسة انها تكون عارفه ومحدده بالظبط هي عايزه ايه وهتستخدم ايه وبلاش نجري ورا المظاهر الفارغة ولا ورا أي كلام بيتكتب في عروض بيع في منتديات وكمان ولا ورا أي كلام بنات جابت وسوت وعملتيلا بقى يا فتوكات عايزه منكم احلى ردود واحلى مشاركات ( ومتنسوش التقييم )
انا مستنيا ردودكم ... وطبعا شكرا مقدما ... وجزاكم الله كل خير
وياريت تدعولي بتيسير الاحوال ... وان ربنا يتمم حملي على خير ... وانه يرزقني ساعه سهله من عنده | |
|
